كل ما تريد ان تعرفه عن اجهزة سامسونج S10 الجديده


سامسونج خلاص أعلنت عن ال S10 بعد ماسورة التسريبات اللى كان بقالها مده :”D 
الأجهزة و المواصفات اللى اتسربت كان اغلبها صح .. ولكن فيه حاجات مختلفه شويه و كمان حاجات مكناش نتوقع وجودها عموما ..

المقال هذا ستجد فيه كل المعلومات اللى تريد ان تعرفها عن اجهزة سامسونج S10 الجديده و اللى هما تحديدا ال 3 اجهزة هذه
Galaxy S10 
Galaxy S10 Plus
Galaxy S10e

عشان متتلخبطش بينهم انا هقولك مواصفات ال Galaxy S10 الأساسى وبعد كدا هقولك ال S10+ هيزيد عنه ايه و ال S10e هيقل عنه فى ايه عشان الفروق تكون واضحه قدامك .. سأخبرك ايضا على اسعار الأجهزه و الإصدارات المختلفه لكل نسخه منهم ..

خلينا نبدا الاول بالـ Galaxy S10

التصميم مبدئيا مختلفش عن ال S9 الا فى الشاشه اللتي تأخذ مساحة اكبر من الواجهه و كمان الكاميرا الأماميه اللى موجودة فى الشاشه وخلينى اقولك مواصفات الموبايل ايه –

– شاشة الموبايل 6.1 بوصه AMOLED تقريبا بنفس الدقة بتتاعة الجيل اللى فات و لكن اطول شويه لانها بأبعاد 19:9 مش 18.5:9 زى ال S9 و بالتالى دقتها بقت 3040*1040 بيكسل .. الشاشه محمية بطبقة حمايه جوريلا جلاس 6 و ظهر الموبايل كمان محمى بنفس الطبقه و أخيرا فى الجزء اللى تحت من الشاشه فيه مستشعر البصمه ال Ultrasonic وهذه التقنيه مختلفه عن اى موبايل طلع من اى شركه فيه بصمه فى الشاشه نفسها ..

– الكاميرا الأماميه فى الجهاز 10 ميجا بيكسل بفتحة عدسه f1.9 وبتدعم ال DualPixel Autofocus وتقدر تصور فيديو 4K

– الكاميرات الخلفيه ودول 3 كاميرات 
1- الكاميرا الأساسية 12 ميجابيكسل وطبعا Dual Aperture وهما F1.5 و F2.4 و بتدعم ال OIS و ال DualPixel
2- الكاميرا الثانية تيليفوتو و بنفس الدقة 12 ميجابيكسل وبفتحة عدسة F2.4 وفيها كمان OIS
3 – الكاميرا الثالثة هى كاميرا Ultrawide بفتحة عدسة F2.2

– بطارية الجهاز 3400 ميللى أمبير

– المعالج و الرام و الذاكرة
الجهاز يأتي بمعالج سناب دراجون 855 مع 8 جيجا رام
واختيارين من الذاكره الداخليه 128 او 512 جيجا ..

و سعر الجهاز هيبدأ من 900 دولار

————————

سامسونج Galaxy S10+

مثل ال اس 10 فى الامكانيات ماعدا الأتي

– الشاشه بنفس الدقة و لكن اكبر بحجم 6.4 بوصه

– الكاميرا الأماميه بجانب الكاميرا ال 10 ميجابيكسل فيه كاميرا تانى للعمق 8 ميجابيكسل بفتحة عدسة f2.2

– البطاريه 4100 ميللى أمبير

– المعالج و الذاكره و الرام 
الجهاز بنفس المعالج سنابدراجون 855 
وبيجى ب 8 رام مع اختيارين من الذاكره 128 و 512

ولكن ال S10+ فيه منه نسخه غريبه .. النسخه هذه 12 جيجا رام وبذاكره 1 تيرابايت .. اه 1 تيرا :”D انت متخيل .. طبعا الجهاز فيه مكان لكارت ميمورى 512 يعنى ممكن تمشى بتيرا و نص فى جيبك :”D

وسعر الجهاز هيبدأ من 1000 دولار 
وسعر النسخه ال 12 رام مع ال 1 تيرابايت ذاكره 1600 ولار :”D

———————–

سامسونج Galaxy S10 e


و هذا مختلف عن ال S10 واقل منه في التالي
– الشاشه اصغر بحجم 5.8 بوصه و بدقة اقل لانها FullHD+ و كمان الشاشه لا يوجد بها Edge من الجوانب زى ال S10 و ال S10+

– الكاميرات الخلفيه بقت 2 مش 3 لان الجهاز لا يوجد به الكاميرا التليفوتو .. فيه الكاميرا العاديه و الكاميرا ال Ultrawide بس

– الجهاز لا يوجد بخ بصمه فى الشاشه لان البصمه على الجنب اليمين فى زرار الباور

– بطاريه الجهاز 3100 ميللى امبير

– واخيرا الجهاز بيجى ب 6 رام مع ذاكره 128 
او 8 رام مع ذاكره 256 جيجا

وسعره بيبدأ من 750 دولار ..

قد يعجبك : سامسونج Folding phone او التليفون اللى بيطوى  واللى اسمه Galaxy Fold

————————-

كام ملحوظة سوف تشد انتباهلك ليها :-

– ال S10e الأرخص سيأتي بنفس المعالج وفيه اختار منه ب 8 رام ف لا يوجد اي تضحيه فى الأداء وهذا رائع جدا.

– التضحيه اللى فى كاميرا ال S10e كانت فى الكاميرا التيليفوتو واحتفظوا بالكاميرا ال Ultrawide و وهذا جيد و هيوفر ميزة الصور العريضه للمستخدم حتى مع النسخه الأقل من الجهاز

– تسعير الجهاز عموما مقبول و تحديدا ال S10 اللى ب 900 دولار و اللى ممكن نشوفه فى مصر هنا فى حدود ال 16 الف

– مستشعر البصمه اللى فى ال S10 و ال S10 plus مختلف عن اى مستشعر بصمة فى الشاشه استخدمته اى شركه قبل كدا لان كلها بتكون Optical fingerprint sensor اما اللى فى اجهزه سامسونج الجديده Ultrasonic و ممكن نشرح الفرق ما بينهم فى بوست مستقل بس عموما ال Ultrasonic افضل و ادق و صعب خداعه ..

– اخر شيئ الأجهزه التلاته مازال فيها ال 3.5mm audio jack عادى الأجهزه فيها مكان مع الحاجات دى كلها و لا عزاء للتوووفاحه :”D


Like it? Share with your friends!

0

Comments 0

لن يتم نشر عنوان بريدك الإلكتروني. الحقول الإلزامية مشار إليها بـ *

كل ما تريد ان تعرفه عن اجهزة سامسونج S10 الجديده